Home » Plan di Mayor  ta bai tin un anochi informativo pa mayornan cu ta bai divorcia of separa

Plan di Mayor  ta bai tin un anochi informativo pa mayornan cu ta bai divorcia of separa

by Admin
0 comment 83 views

Plan di Mayor  ta bai tin un anochi informativo pa mayornan cu ta bai divorcia of separa: E meta di e encuentro aki ta pa yuda mayornan durante e momento dificil aki, cu un enfoke special ariba bienestar di boso yiu. E anochi informativo aki ta completamente gratis.

Kico por spera? Durante e sesion aki, experto den dinamica familiar y psicologia di mucha y hoben lo comparti varios informacion y consehonan valioso tocante con boso por papia cu boso yiu tocante e divorcio of separacion. Aki tin algun di e punto principalnan cu lo trata:

  1. Comunicacion cu Yiu:
    • Na ki momento y na cua lugar por informa boso yiu tocante e divorcio.
    • Tips pa contesta nan preguntanan di un manera honesto cu ta brinda segurancia. 
    • E importancia di un splicashon cu ta cuadra segun nan edad y evita sentimiento di culpa den e yiu.
  2. Sosten Emocional:
    • Strategianan pa minimalisa e impacto emocional di un divorcio riba yiu.
    • Reconoce señalnan di stress, ansiedad of tristesa den boso yiu.
    • Provee un ambiente caminda cu yiu por expresa nan sentimientonan.
  3. Dynamico Entre Mayor Saludabel:
    • E importancia di colaboracion y comunicacion entre mayornan despues di e divorcio.
    • Con boso por establece un Plan di Mayor consistente y stabil cu ta pone bienestar di boso yiu central.
    • Tips practico pa construi un relacion entre mayornan cu respet
  4. Recurso y Sosten:
    • Un bista di e recursonan local disponibel pa famianan cu ta divorcia.
    • Informacion tocante consultacion y sosten pa mayornan y yiu.
    • E importancia di cuido propio pa mayornan durante e periodo di transicion aki.

Pakico e Presentacion aki ta Importante: Un divorcio of separacion di un relacion nunca ta facil, pero cu e sosten y guia corecto mayornan por ta sigur cu nan yiu ta sinti stima, sigur y scucha. E presentacion aki ta ofrece mayornan e hermentnan y conosimiento necesario pa yuda boso yiu pa procesa e cambio aki den un forma saludabel 

Registra: Pa participa den e atardi informativo aki, nos ta pidi mayornan pa registra via e QR code of e link https://forms.gle/wBQZaCwYyiT3P4xZ9 obtenibel tambe via nos pagina di facebook. 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio