ORANJESTAD – Algun luna pasa Minister Dangui Oduber a anuncia cu lo bai digitalisa sector di cuido haciendo uso di e plataforma Aruba Health App. Awe ministerio di salud hunto cu AZV a haya presentacion di profesionalnan di Setar NV ariba e avancenan di e proyecto.
Pronto e asegurado lo sinti cambionan positivo ariba su Health App personal cu lo beneficia e asegurado. E team di SETAR ta trahando ariba un systema concreto di cita cu e asegurado su dokter di cas. E asegurado lo por via su app, tin e opcion di contesta algun pregunta y asina dependiendo di e urgencia lo ricibi un contesta con pa sigui padilanti y si ta necesario lo ricibi opcion pa reserva su cita na e dia y e horario disponibel.Β
Adicional SETAR ta inventarisando con por medio di digitalisacion nan por yuda otro instancinan den sector di cuido manera specialistanan y Sticthing Bob.Β
Conforme Minister Dangui Oduber su vision y conhuntamente cu Setar y AZV ta trahando pa logra introduci e beneficio aki pa aseguradonan, paso e pashent ta central. Funcion cu ta trahanando ariba dje pa futuro ta entre otro: traha afspraak cu dokter of specialista, historia medico di e asegurado, busca receta y hopi otro function mas lo bay ta disponibel.Β
Segun e mandatario esaki ta un βera noboβ pa asina digitalisa henter e sector di cuido medico, cu un resultado pa sigui mehora tur e servicionan y e calidad di cuido pa tur dokter di cas por traha na un manera mas eficiente, transparente y mas rapido y asina tambe e asegurado por ta mas informa y sinti nan mes den control di nan salud y calidad di bida.Β
Minister Dangui Oduber ta gradici Setar NV y ademas partners pa e update ariba e progreso di e Aruba Health App.Β
