Oranjestad-Ban Conecta den Bario ta un evento di networking cu lo tuma luga na e diferente centronan di bario, pero cu lo mester wordo carga door di e bario.
Un session di “”Ban Conecta den Bario” por ser mira como un mini network y lo wordo organisa minimo 1 biaha pa luna.
E programmaleider di e Centro di Bario lo organisa e prome “ Ban Conecta den Bario” y durante e prome session lo por bin cu ideanan,apunta hende(nan) cu lo ta na encargo pa continuación di e siguiente sessionnan.
Habitantenan lo por sera conoci cu otro, mantene y traha riba e contacto ja estableci y
conhuntamente traha pa nan respectivo barionan. Di e bario y pa e bario.
E meta di “Ban Conecta den Bario” ta pa hunto, como habitantenan di bario y Centro di Bario, traha pa hunto bin cu cambionan positivo y duradero cu ta desea den e respectivo barionan na Aruba. Tur e cambionan positivo y duradero den e
diferente barionan no solamente lo ta beneficioso pa e diferente barionan en cuestion, pero alabes tambe pa henter comunidad di Aruba.
Centro di Bario Santa Cruz ta bay ta e prome Centro di Bario cu lo organisa e evento aki hunto cu BARIO UNICO y CEDE ARUBA. Esaki ta tuma lugar dia 8 di Maart 2024 di 7or pa 9or di anochi na Centro di BArio Santa Cruz mes situa na Papilon 101F. E idea ta pa nos invita un grupo varia di hendenan cu conocemento di e bario. Manera cierto ‘leadernan’ di bario, hendenen bon conecta, hendenan pa cual e bario tin hopi respet y confiansa.
Centro di Bario Santa Cruz ta cla pa cuminsa cu esaki y nos prome seccion ta bay ta un Ban Conecta Women Edition mirando cu ta cay riba dia di hende muher. Nos a invita un grupo di 10 hende muher cu nos ta kere sa hopi di nos bario di Santa cruz pero tambe cu ta habri pa juda nos Centro di Bario den futuro.
Nos di Centro di Bario Santa Cruz ta spera di saca bon probecho di e evento aki mirando cu nos ta e Centro di Bario relativamente nobo, caminda nos ta desea sigur di conecta cu nos hende nan di bario di Santa Cruz. E ta mas cu un honor di organisa un evento manera esaki pa nos conecta, scucha, inspira y bin cu cambio den e bario di Santa Cruz.