Home » MINISTER ENDY CROES A REUNI CU COMISION FIHO DI DEPORTE DI PARLAMENTO

MINISTER ENDY CROES A REUNI CU COMISION FIHO DI DEPORTE DI PARLAMENTO

by Admin
0 comment 118 views

A trata e topico di Lotto pa Deporte.
ORANJESTAD: Recientemente, Minister Endy Croes a atende reunion di comision fiho di deporte di Parlamento di Aruba. Presidente di comision fiho di deporte, Sra. Setty Christiaans – Yarzagaray a invita mandatario di Deporte pa elabora y duna informacion actualisa di Lotto pa Deporte. Durante e encuentro, Minister Endy Croes a duna un presentacion amplio di e historia di Lotto pa Deporte desde 1982. Tambe, el a elabora con Lotto pa Deporte ta hinca den otro. Na 1999, Lotto pa Deporte a bay pa prome bes online via e sistema di Canadian Bank Note (CBN). A repasa e cifranan di e jaarrekening di 2009 pa 2020. Desde 2011, bou di gobierno anterior a cambia e contract cu CBN, unda cu CBN a cuminsa ricibi 23.5% di e benta bruto en bes di 8.25%. Esaki a causa cu deporte a haya hopi menos placa. Manera ta conoci, un team di FLPD a renegocia un contract nobo cu CBN. Desde e prome kwartaal di 2023, e contact ta firma, no a tuma over pa e contract drenta na vigor comokiera cu falta algun rekisito cu ta finalisando, entre otro, jaarrekening di Lotto pa hacie mas al dia. Cu e contract nobo aki ta bolter bek e situacion cu CBNA y CBN Canada, en bes di ricibi 23.5% ta bay bek na 8.25%. Tambe, Minister Endy Croes a elabora riba e proyectonan deportivo cu ta den “pipeline” cu Lotto pa Deporte lo sostene. Casi 2 ora di reunion unda cu Minister Endy Croes bay hopi amplio y a contesta tur e preguntanan cu el a ricibi di e parlamentarionan. Por ultimo, e miembronan di parlamento a keda contento cu e desaroyonan nobo y tur informacion cu nan a ricibi al respecto di Lotto pa Deporte y e contract nobo.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio