Home » MINISTER ENDY CROES A ELABORA RIBA E CONSTRUCCION DI UN JULIANA SCHOOL NOBO

MINISTER ENDY CROES A ELABORA RIBA E CONSTRUCCION DI UN JULIANA SCHOOL NOBO

by Admin
0 comment 97 views

ORANJESTAD: Recientemente, Minister Endy Croes a reuni cu e comision cu ta atende cu e proyecto di un Juliana School nobo. E comision ta consisti di, entre otro, representante di DOW, DIP, consehero di Ministerio di Enseñansa, consehero di Ministerio di Asuntonan General y Infrastructura y e team di arkitecto cu ta preparando e diseño. Desde aña 2016, e team di Juliana School a muda pa otro edificio temporalmente, pa motibo cu e scol no tabata den un bon condicion. Manera ta conoci, Gobierno di Aruba a stipula 6.7 miyon florin pa construi un edificio completamente nobo. Den cuadro di esaki, cada dos siman e comision ta reuni pa mira e avancenan di e proyecto pa un Juliana School nobo. Minister Endy Croes a indica cu e proyecto ta canando bon tur stakeholder ta haciendo di nan parti pa cumpli cu tur regla y rekisito. Minister Endy Croes a expresa cu lo informa Pueblo di Aruba unabes cu ta asina leu cu e destaho publico “aanbesteding” sali y e fecha cu esaki lo cera, pa asina scoge e contratista cu lo ehecuta e construccion di un Juliana School completamente nobo.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio