Eurojust y Europol a yuda coordina un accion di e autoridadnan hulandes, aleman, leton, lituano y canades contra un supuesto violacion di e sancionnan na e exportacion pa Rusia.
Tres sospechoso a wordo deteni durante un dia di accion, incluyendo buskeda den 14 luga. Nan ta sospecha di ta parti di un red internacional clandestino cu a viola e sancionnan di exportacion pa Rusia. Ta trata akinan di exportacion ilegal di ekiponan tecnologico y di laboratorio, cu lo por wordo utiliza cu obhetivonan militar.
E exportacionnan aki ta ilegal debi na e sancionnan imponi den henter Union Europeo despues di e inicio di e guera na Ucrania.
E investigacionnan a cuminsa na fin di 2023 y a revela e existencia di un red internacional di contrabando. Dos di e sospechosonan tabata administrado di e empresa principal. Un di tres ta un empleado contratista cu a alega di ta na altura di e exportacion ilegal.
A confisca e administracion fisico y digital di un empresa registra na Hulanda, ademas di e cuenta di banco y hermentnan di comunicacion di e empresa.
Eurojust y Europol a yuda organisa e accion y a brinda sosten analitico na e investigacion. E accionnan a tuma luga riba peticion di e autoridadnan Hulandes y cu sosten di autoridadnan Hulandes, Aleman, Leton, Lituano y Canades.
—-