Chiang Rai, Tailandia – Den un mescla sorprendente di agricultura, ciencia, y arte, e cunukero y artista talentoso Tanyapong Jaikham a hiba creatividad na un nivel nobo ora di transforma cosechanan di aros den dibuhonan di pushinan cu ta parce di ta drumi serenamente.
E proyecto unico aki a involucra Tanyapong y un grupo di 200 boluntario apasiona cu a traha hunto pa planta e tereno di aros na e provincia di Chiang Rai.
E magia ta den e proceso cuido di e plantacion, pasobra e simianan a wordo distribui di manera strategico pa, na momento di crece, nan forma e figuranan magico di pushinan.
“Ta crucial pa pone nan cu precision, pasobra e aros lo cambia gradualmente di tono cu tempu,” Tanyapong a splica, enfatisando e precision cu ta necesario pa logra e obra di arte agricola aki.
Pa sigura cu cada simia a wordo planta na e luga corecto, e ekipo a uza un drone, sigurando cu cada simia a wordo planta na e luga cu mester pa duna forma na e diseñonan bunita di e pushinan.
E comunidad local a keda encanta pa e combinacion extraordinario aki di habilidadnan agricola y artistico. E cosechanan di aros awor a transforma den un obra di arte bibo, cu pushinan cu ta drumi trankil entre e cosechanan.