Vaticano
Den su tradicional mensahe di Dia di Pasco, Papa Francisco tambe a haci un yamada pa mas ayudo pa Gaza pa soluciona un “situacion humanitario desesperá”. E guera entre Israel y Hamas a cuminsa dia 7 di oktober, tempo cu hombernan arma di Hamas a ataka Israel, matando mas o menos 1200 persona y secuestrando rond di 240 di nan. Mas cu 20,000 Palestino a wordo mata den bombardeonan Israeli, segun cu Hamas ta bisa.
Papiando dilanti miles di devotonan cu a reuni na Basílica di San Pedro na Vaticano, Papa a lamenta e violencia contra Israelinan y Palestinonan. “Mi ta carga den mi curason e tristesa di e victimanan di e atake abominabel di 7 di oktober y mi ta reitera un yamada urgente pa liberacion di esnan cu ainda ta wordu teni como rehen. “Mi ta implora pa un fin na e operacionnan militar unda cu civilnan inocente ta bira victima, y mi ta pidi pa un soluncion pa e situacion humanitario desespera dor di habri e ayudo humanitario”, el a bisa. Israel ta bisa cu 132 persona ainda ta wordu teni como rehen na Gaza despues cu otro a keda libera, y uno a wordu salba.
Dirigiendo na otro conflictonan cu tin na mundo, Papa tambe a pidi pa “Paz pa Ukraina”, unda e guera cu Rusia ta continua ya pa un tempo largo di casi dos aña. Tambe e la bisa cu el ta reza “pa pronto logra stabilidad politico y social” na Siria, Lebanon y Yemen, paisnan cu ta wordo azota pa añanan di guera y desorden. Papa Francisco a expresa su deseo pa solucionnan pacifico pa otro lugarnan di problema, incluyendo Armenia y Azerbaijan, partinan di Afrika, y Nort y Sur Korea.Tambe e la papia na nomber di miyones di migrante rond di mundu, enfatisando esnan cu a perde nan bida “na odiseanan cu nan a cuminsa den desesperacion y cu e speranza di un bida” yamando nan ” E Jesusnan chikito di awendia”.
Source BBC.