248
Tanki Leendert – Diasabra pasa di mey anochi polis a bay poco pazuid di rotonde di Tanki Leendert, unda cu un pickup a accidenta.
Na prome instante testigonan a papia di un accidente serio, debi na e zonido fuerte.
Na yegada di polis nan ta topa cu un pickup Isuzu benta pabou di caminda, e parti dilanti cerca di un cura di cas net cu e no a dal e.
Segun e chauffeur e lo a sali di e caminda cerca di e truck di cumind y debi na e caminda muhe e lo a perde control completo ariba e auto.
E la dal contra algun baranca y te hasta a move esakinan, causando daño grandi na e vehiculo parti dilanti.
Takelwagen mester a wordo avisa pa yega y asina move e auto for di caminda y hib’e su destinacion.
Niun hende a resulta herida den e accidente aki.
