Tanki Leendert – Diasabra marduga algo pasa di 1’or ambulance a bay Tanki Leendert, altura di Wendy’s pa un accidente.
Na yegada, di ambulance nan a topa cu e chauffeur di un Mini Van, e no tawata desea asistencia medico y tawata mas tanto intoxica.
Paramediconan a splike kiko ta kiko y a bandona e sitio.
Ta asina cu algun rato despues polis a yega y ta constata cu e chauffeur di Van a dal dos otro auto prome cu e la stop completamente.
Agentenan a pone supla, siguiendo e protocol y esaki no a bay bon debi cu e cabayero tawata hopi burachi.
No a keda nada otro pa bay over na detencion, y esaki no a bay di e facil ey.
Un rato nan mester a pone e chauffeur ariba suela.
Na final agentenan mester a hib’e warda di Shaba, unda cu e lo mester a wordo presenta dilanti un Sub Fiscal pa mira kiko lo pasa cu ne.
Controlnan di parti Cuerpo Policial lo continua durante e periodo druk di december, pues tene cuenta cu bo documentonan mester ta ordo y mas cu claro no core auto bou influencia.
