Callum Grubb, hoben di 19 aña di Scotland ta biba su bida den un otro epoca: e decada di 1940. Practicamente tur loke el tin ta di e tempo ey, manera su paña, su auto y su bicicleta. Y, sigur, no tin telefon celular.
Callum ta stuur un Austin Cambridge preto di 1938 y ta padel cu su bicicleta Raleigh di 1952. Si mester yama un hende, e ta haci esaki cu su telefon antiek di dial giratorio di aña 40.
E hoben a bisa cu el a keda enamora di e decada di 1940 ora cu e tabata den prome aña di scol secundario. “Semper mi a gusta historia”, el a conta. “Ora mi tabata mas chikito, mi tabata mira den e corantnan di prizonero di guera di mi bisawelo y mi ta stima tur cos relaciona cu e periodo ey”.
For di e tempo ey, Callum a dedica su mes pa colecta tur cos relaciona cu e epoca. “Mi ta haci joke cu mi amigo bisando e cu esaki ta bay mas leu cu un obsesion,” el a bisa.