MERCA: E par di miho amiganan di Texas a logra e hazaña cu Julio Verne a imagina 150 aña pasa: recore mundo den 80 dia.
Nan mes a organisa e biahe, nunca nan a haci un tour y nunca nan a hospeda den cadenanan di hotelnan internacional sino den hostels local.
Nan a bishita 18 pais. Nan a wak e aurora boreal, nan a bula rond di ‘Everest Mount’, nan a cana meymey di bientonan di mas di 60 kilometer pa ora na Antartica y nan a subi riba un camel na Egipto.
Na caminda, nan a bira streanan di e redman social cu nan account ‘Around the World at 80’.
“Un di e cosnan cu a pone nos haya sa di kico e mundo aki ta trata ta cu nos a wak e bondad di e humanidad un bes tras di otro. Mayoria di e personanan cu ta cana riba e mundo aki ta bon hende”, Sandy kende a crece na Fort Worth, Texas a bisa. El a cuminsa studia Medicina na edad di 39 aña y awendia e ta director medico di un organisacion di cuidonan paliativo.
Ellie a crece na un finca di trigo y ganado na Oklahoma. E ta fotografo documentalista y ta dirigi un mision medico cu ta bishita Zambia tur aña.