MERCA: Food and Drugs Administration di Merca (FDA) a propone pa revoca e norma cu tabata autorisa e uzo na Merca di e azeta vegetal bromine – Brominated Vegetable Oil – (BVO) como un aditivo alimentario.
E decision aki di FDA a wordo tuma despues cu na California a prohibi e ingrediente aki, na October, por medio di e aprobacion di e Ley di Seguridad Alimentario di California, e prome ley estatal di Merca cu ta prohibi e azeta vegetal bromine (BVO). E ingrediente aki ya caba ta prohibi na Europa y Hapon.
E azeta BVO, modifica cu bromine, ta un substancia kimico manera azeta di color cora intenso cu ta wordo utilisa como emulsionante den bebidanan cu smaak na citrico pa evita cu e aroma ta wordo separa y ta keda flota den superficie. Bromine tambe ta wordo utilisa pa preveni cosnan cende na candela.
FDA ta propone prohibi un ingrediente presente den algun ‘soft drinks’
232