Home » Aruba ta resalta na Las Vegas, den Campeonato Mundial di Domino 2023

Aruba ta resalta na Las Vegas, den Campeonato Mundial di Domino 2023

by Admin
0 comment 414 views
Las Vegas, USA
Actualmente tin un delegacion di Aruba di domino, representando Aruba Domino Bond, participando na e di 19 Campeonato Mundial di Domino na Las Vegas, Nevada.
Un delegacacion di 28 atleta, kendenan a sa di bataya fuertemente contra mas di 500 hungador representando 14 diferente pais, manera Abkhazia, Russia, Brazil, USA, Venezuela, Puerto Rico, Republica Dominicana, Ecuador, Panama, Costa Rica, Egypto, Colombia y hopi mas.
E di 19 Campeonato Mundial di domino a cuminsa dia 22 di October, y a culmina 26 di OCtober.
Den e campeonato aki, organisa pa e Federacion Internacional di Domino (FID), Aruba ta participando pa di 8 aña consecutivo.
Un logro sin igual pa nos dushi isla ARUBA, entre e grandinan mundialmente.
ADB ta felicita tanto Lizanne Kelly, como Jadimir Kwidama, pa nan logronan como Nr. 5 di mundo y 23 di mundo respectivamente.
Tambe ADB kier a gradici y felicita e 28 atletanan cu a representa Aruba dignamente, sin laga afor e ayudo di gobierno di Aruba por medio Minister Endy Croes, Sport Subsidie Aruba, Lotto pa Deporte, Divi Impact Foundation, Primavera Sport Club y tur cu di un of otro forma a coopera cu nos atletanan.
Tambe, Aruba Domino bond ta sumamente contento y orguyoso, cu e di 20 Campeonato Mundial di Domino, cu lo tuma lugar na September 2024, a wordo anuncia y confirma cu esaki lo tuma lugar na nos isla ARUBA.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio