Chauffeur bou influencia a ocasiona un boksmento, subiendo caminda sin duna preferencia

Seroe Blanco: Diasabra den careda di 10’or y mey  di mainta a sosode un boksmento na e crusada na Seroe Blanco net pabou unda antes tabata Vegetarian Delight. Chauffeur di un Haima M3, preto a subi caminda sin duna e Suzuki Liana Blanco preferencia. Na e sitio aparentemente e chauffeur di e Haima tabata bisa cu e tabata riba e crusada y cu e ta otro auto a dal contra dje. 

Polis di trafico a wordo pidi na e sitio pa haci mas investigacion,, na yegada nan a ripara cu e chauffeur di e Haima M3 ta mustra bou influencia, despues di a haci test cu e chauffeur e la wordo deteni.

Transportwagen di polis a transport’e pa warda di polis.  No tabata tin herido, pero si daño material.