Diadomingo ultimo a sali rumbo pa nos hermana isla Curacao, nos Miss Teen Mundial Aruba 2023, Amelia Elskamp. Despues cu Amelia a gana e titulo di Miss Youth Aruba 2023, e tabata tin e reto di prepara den solamente 1 luna pa certamen grandi aki. E aña aki e certamen di Miss Teen Mundial by Fransisco Cortez ta celerando nan di 9 edicion y ta tumando lugar na Curacao.
Den e siman di certamen aki e candidatanan di mas di 25 pais ta disfrutando di diferente actividad, entre otro; photoshooting, tours, catamaran, bishita na parlamento y mas cu claro e diferente competencianan di tanto swimsuit, national costume y tambe gala.
Mester remarca cu nos representante ta haciendo un tremendo trabou. Un candidata cu kisas nos no ta mira mucho riba paginanan grandi, pero na Curacao ta resalta tanto den su estilismo pero tambe cu carisma y caracter. Diaranson, a tuma lugar e preliminar di Swmisuit, y aki Amelia a sorprende tur hende den e prome evento competencia di e certamen.
Diahuebs anochi pa 7or lo tuma lugar e competencia di ‘National Costume’ di cual Aruba sa di semper haci un impacto pues keda pendiente di e evento aki.
E final di Miss Teen Mundial lo tuma lugar diasabra dia 30 di September den WTC y lo por wak esaki Live via youtube di Fransisco Cortez y pagina di facebook di Miss Teen Mundial. Amelia, ta un hoben disciplina y resiliente pues sin duda nos sa cu Amelia lo haci su maximo esfuerso pa laga Aruba su nomber den halto mescos cu eta haciendo e ultimo dianan aki.
Aruba, bo apoyo ta importante y pa es motibo nos kier invitabo pa follow e social media di tanto Amelia pero tambe Miss Teen Mundial y demostra bo apoyo na nos representante. Like, comment y tambe share cada potret di nos representante pa asina nos promove nos candidata y tambe Aruba mas ainda.
Amelia ta priminti di sigui duna su maximo y laga Aruba su nomber den halto. 1 luna di preparashon tabata duro pero su perseverancia a mustra cu su storia ta unico y ta uno cu lo keda scirbi y corda #UnaHistoriaPorEscribir. Aruba, e ta conta cu boso apoyo!
Rednan social di Amelia y Miss Teen mundial:
Instagram:
@amelia_elskamp_
@missteenmundial_official
Facebook:
Miss Teen Mundial Aruba 2023- Amelia Elskamp
MISS TEEN Mundial’
