Angochi – Diahuebs anochi varios unidad policial a bay un adres na Angochi, unda un yiu lo a maltrata su mama.
Tawata den careda di 9’or di anochi cu varios unidad policial a yega un cas na Angochi, pa atende un caso di maltrato di yiu contra su mama.
Na yegada, agentenan no a drenta paden y por a miranan ta papia cu e habitantenan di e cas, probablemente e mama cu lo a contanan locual a sosode.
E yiu, un conoci di polis lo a bandona e sitio algun rato prome cu polis a yega.
Motibo cu varios patruya a yega e cas tawata cu aparentemente e yiu lo tin un arma den su posesion, ki arma si ta cuchiu of arma di candela no ta conoci. Tampoco ta conoci con serio e yiu por a herida su mama, debi cu ambulance tampoco a yega e adres.
Na final a splica e famia kiko ta e posibel pasonan cu por tuma relaciona cu e problema serio aki.