Home » Edson Hato representante nobo di Hulanda na Aruba, Curacao y Sint Maarten

Edson Hato representante nobo di Hulanda na Aruba, Curacao y Sint Maarten

by Admin
0 comment 187 views

 

Conseho di minister riba nominacion di Secretario di Estado Van Huffelen di
Asuntonan Interno y Relacionnan den Reino (BZK) a bay di acuerdo cu e
nombramento di señor Edson Hato como Representante nobo di Hulanda na Aruba,
Curacao y Sint Maarten. Señor Hato ta cuminsa den su funcion entrante 7 di
september.
Edson Hato (53) tin experiencia amplio den guia di proceso di cambio y desaroyo di
liderazgo den multinationals grandi, tech scale-ups y empresanan social. Hato tabata
consehero y a traha e.o. pa Carlsberg Group, SAP, ABN AMRO Bank, ING Group y
AstraZeneca. Hato for di 2017 ta fundador y doño di LikeMinds B.V., un oficina di conseho
pa coach personanan den posicion di liderazgo, desaroyo di organisacion y transformacion
di empresa. Ela lanta na Curacao y tin conocimento di e idioma y cultura di region
Caribense.
E funcion di Representate ta crucial pa un bon relacion entre Hulanda, Aruba, Curacao y
Sint Maarten. Secretario di Estado Van Huffelen ta content cu e nombracion: “Edson Hato ta
un profesional entusiasma cu ta trece un maleta grandi di experiencia internacional cun’e. Mi
ta kere cu su vision riba colaboracion e lo hunga un rol importante den conecta, y traspasa
barera nan geografico y diferencianan cultural. Nos ta desea un bon colaboracion cu
Curacao, Aruba y Sint Maarten. Mi ta contento cu nos a haya un candidato pa e puesto aki
cu conoce ambos banda di oceano bon.”
‘Igualdad, responsabilidad y comunidad’
Edson Hato ta empeña su mes pa resultadonan duradero y ta mira e puesto como uno
sumamente importante pa loke ta trata e colaboracion dentro di Reino: “Mi ta orguyoso cu
como representante Hulandes mi por duna continuacion na reenforsa e relacion entre
Aruba, Curacao, Sint Maarten y Hulanda. Banda di esey mi ta reconose mi mes
completamente den e puntonan di salida riba cual e colaboracion aki ta basa:
responsabilidad, igualdad y comunidad. Esaki segun ami ta e principionan primordial ora di
cambio. Pa sa unda bo kier bay, ta importante pa ta conciente di unda bo ta bin. Door di mi
background y experiencia mi ta conciente cu nos mester uza nos diferencianan pa reforza
otro den Reino. Solamente di e forma aki bo ta yega na solucionnan nobo, y inspiracional
unda hende ta empeña nan mes di forma duradero.”
Representacion di Hulanda na Aruba, Curacao y Sint Maarten (VNACS)
VNACS ta actua como representador di Hulanda y asina ta contribui na un bon relacion
entre Hulanda, Aruba, Curacao, y Sint Maarten. E Representacion, cu localidadnan na
Willemstad (VNW), Oranjestad (VNO) y Philipsburg (VNP), ta traha riba realisacion di

maneho Hulandes pa e Paisnan. VNACS ta clarifica e maneho, ta informa personanan di
interes y contribui na ehecucion di e maneho. Tambe VNACS ta ofrece ayudo y asistencia
pa personanan Hulandes den necesidad y ta coordina asistencia for di Hulanda na momento
di crisis grave. E Representacion ta maneha su tareanan den colaboracion estrecho cu tur
cuater pais den Reino.

Nota pa redaccion: pa mas informacion, por tuma contacto cu Communicatie SSO-CN,
Lucia Beck +599 7819050/ Communicatie adviseur VNACS, Kim Sambo +599 7954933.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio