281
18 di Augustus 1994 Alberto Klaber a funda Savaneta Taekwondo Stichting cu tabata carga e handels naam
Alberto Klaber Taekwondo Center. E tempo ey e tabata duna les di Taekwondo den Marinierskazerne.
Na aña 1997 Willy Willems a tuma e scol over y a muda pa e bario di Brazil y a cambia e nomber pa Brazil Taekwondo Stichting.
Despues di algun aña Willy Willems a pasa e scol bek pa Alberto Klaber.
Clifford Rasmijn tabata train cu Willy Willems na Brazil Taekwondo Stichting. Russell Beneby a bin Aruba pa duna
Clifford Rasmijn su certificado di trainer / coach. Clifford Rasmijn a sigui su careda den training y a biaha pa
varios Pais, logrando medaya tras di otro y a crea e nomber “Train Hard Fight Smart”. Henk Meijer a bin Aruba
na aña 2014 y a bin cu e idea pa hiba e team Korea. Na Korea Clifford Rasmijn a bolter e Koreanonan, logrando varios medaya pa Aruba. Despues Clifford Rasmijn a tuma un pauze te cu e aña aki Alberto Klaber a pasa e scol pa Clifford Rasmijn y pesey awe ta papia di e generacion nobo. Clifford Rasmijn a celebra e dia hunto cu e team di Train Hard Fight Smart y algun atleta di Taekwondo Team Aruba.
Brazil Taekwondo Stichting ta gradici e Pueblo di Aruba pa tur e confiansa y sosten di cumpra carchi di BBQ, Car Wash, Fiesta y Kalender cu pronto lo ta ariba mercado pa bende pa logra e trip pa Korea na aña 2024.
