Home » MINISTER ENDY CROES TA FELICITA NOS CICLISTA KAILEN WOUTERS CU A KEDA NA DI DOS LUGA DEN BMX WORLD CHAMPIONSHIP NA SCHOTLAND

MINISTER ENDY CROES TA FELICITA NOS CICLISTA KAILEN WOUTERS CU A KEDA NA DI DOS LUGA DEN BMX WORLD CHAMPIONSHIP NA SCHOTLAND

by Admin
0 comment 192 views

 

 

ORANJESTAD: Diaranson ultimo, Minister di Enseñansa y Deporte Endy Croes a ricibi e ciclista Kailen Wouters na Aeropuerto Internacional Reina Beatrix. Den un ambiente festivo Kailen Wouters a wordo ricibi na su yegada na Aruba. E sorpresa pa Kailen tabata ora cu e musica di Asambeho a cuminsa resona pa dun’e bonbini na su regreso. Kailen a participa den BMX World Championship cu a tuma luga na Glasgow, Schotland, dia 6 pa 13 di augustus 2023. E ciclista di solamente 9 aña di edad cu a competi contra e 89 miho coredonan rond di mundo y a logra sali di dos luga. Kailen tabatin un entrenamento hopi intensivo cu varios luna di preparacion. Sr. Gregory Wouters, kende ta e coach y tata di e deportista a hiba Kailen den exterior algun luna pa practica cu un team di profesional. Famia, Amistad y tur su compañeronan di e team di BMX tabata presente na aeropuerto pa felicita Kailen cu e gran logro aki. Minister Endy Croes ta felicita Kailen Wouters cu a finalisa na di dos luga den e BMX World Championship y ta felicita su coach y tata Gregory Wouter cu e triunfo aki. Cu deseo, disciplina, determinacion y dedicacion ta logra. Aruba ta orguyoso di bo Kailen! 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio