Home » Master Eric Barry a bishita e training di Taekwondo Team Aruba.

Master Eric Barry a bishita e training di Taekwondo Team Aruba.

by Admin
0 comment 213 views
 
Den fin di siman Master Eric Barry di San Nicolaas Taekwondo Foundation a bishita e training di Taekwondo Team Aruba na Tarcisius Kleuterschool na Mabon.
 
Master Eric Barry tin varios atleta cu ta participa na e training nan di Taekwondo Team Aruba bou guia di Master Yoshmar Wever y Master Clifford Rasmijn. Master Eric Barry a keda hopi satisfecho cu e training duna pa e generacion nobo. Master Eric Barry a papia cu Master Yoshmar Wever, mientras cu Master Clifford Rasmijn tabata train e atletanan. Master Eric Barry tabata kier sa con ta bayendo cu su atletanan pa e manda mas atleta pa nan tambe forma parti di Taekwondo Team Aruba. Master Yoshmar Wever a bisa Master Eric Barry cu tur cos ta bayendo bon cu e atletanan. Taekwondo Team Aruba ta preparando e atletanan duro pa nan ta bon prepara pa bay representa Aruba den exterior.

Master Eric Barry di San Nicolaas Taekwondo Foundation

 
E meta di Master Yoshmar Wever y Master Clifford Rasmijn ta pa tur atleta cu ta bay pa representa Aruba den exterior mester ta bon prepara fisica y mentalmente. Na final Master Eric Barry a felicita ambos coach cu e bon trabou cu nan ta haci.    

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio