Home » Kiwanis Club of Palm Beach a haci donacion di mil florin na e miho  graduadonan di Colegio EPI 

Kiwanis Club of Palm Beach a haci donacion di mil florin na e miho  graduadonan di Colegio EPI 

by Admin
0 comment 284 views

 

Palm Beach, Aruba – Den e siman di 4 pa 7 di juli 2023, Colegio EPI a celebra  graduacion di su studiantenan. Entre e graduadonan aki 5 (cinco) studiante a sobresali  como e mihornan y a haya un donacion di mil florin for di Kiwanis Club of Palm Beach.  E donacion aki ta wordo usa den un forma pa yudanan den e proximo etapa di nan  estudio.  

Ariba e reportahe grafico por mira momento cu representantenan di Kiwanis Club of  Palm beach, Sr. Evan Giel, Sr. Frank Hoevertsz y Sr. Onsaito “Chito” Thiel ta haci  entrega di e “cheque simbolico” na Bryan Haayen di secctor di Salubridad & Servicio  (S&S), Jandrick Wolff di sector di Ciencia & Tecnologia, Casandra Isabel Donato di  sector di Economia y Ceaslyn Richardson di sector di Hospitalidad & Turismo  (Management). Banda di e studiantenan aki, Jofré Ridderstaat di sector di Hospitalidad  & Turismo (Culinair) tambe a haya un reconocimiento y contribucion cu e por usa bon  pa e proximo aña escolar. 

E donacion aki tawata posibel danki na fondonan cu a wordo recauda cu nos actividad  nan di recaudacion di fondo durante temporada di Carnaval 2023. Nos ta desea tur  studiantenan y alumnonan di Aruba hopi exito den e aña escolar 2023-2024.

 

Kiwanis Palm Beach ta forma parti na e organizacion global “Kiwanis International” cu  ta un instancia caritativo dedica na servicio na comunida cu e obhetivo principal pa haci  nos mundo mihor door di cambia un comunidad pa medio di un mucha cada bez. Mas  informacion por haya riba: www.facebook.com/kiwanispalmbeacharuba of www.kiwanis.org 

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio