” Mi por a mira pianan kibra y hendenan muriendo rond dimi”
Por lo menos 288 persona a perde nan bida y mas di 900 a resulta herida den un accidente entre tres trein den e stad di Odisha na India.
Ekiponan di rescate tabata traha duro pa rescata mas o menos 200 pasahero cu a keda atrapa den e ruinanan, lo cual ta causa temor ta cu e cifra di mortonan lo sigui subi.
E trein di pasahero Coromandel Express, e segundotrein di e superfast express Bengaluru-Howrah y un trein di carga a dal den otro cerca di Balasore, mas o menos 137 miya zuidwest di Kolkata, rond di 7:20 di anochi (2:50 di atardi BST).
Via media local por a mira imagenan di parti di un trein cu a bay cay banda di e track y cu aparentemente tabata tin sobreviviente den dje, y tambe e momento unda residentenan tawata trata di saca sobrevivientenan y hibanan na un luga mas sigur.
