Home » Jeroan Nicholson, Jewell Illidge, Nicole Tromp y Zahyon Klaber a sali Best Fighters den Cas Bon Taekwondo Cup.

Jeroan Nicholson, Jewell Illidge, Nicole Tromp y Zahyon Klaber a sali Best Fighters den Cas Bon Taekwondo Cup.

by Admin
0 comment 190 views
 
Diasabra den Centro di Bario Brazil Cas Bon Taekwondo Cup a conta cu participacion di e scolnan di Taekwondo local. E atletanan a bringa mustrando nan abilidad di bringa contra di nan contrincantenan. Jeroan Nicholson di Noord Taekwondo Center a bringa su prome pelea contra di Jahliano Villiora di Brazil Taekwondo Stichting y a gana e pelea. Na final di dia Jeroan Nicholson a enfrenta Elijah Tjie-A-Loi di San Nicolaas Taekwondo Center. E show a cuminsa for di e prome seconde nan te na final di e rondnan.
Un pelea espectacular entre e dos bringadonan aki. Jeroan Nicholson a sali miho bringado di e categoria Infantil. 
 
Jewell Illidge di ETU Taekwondo Foundation a bin bek despues di 3 aña sin participa den eventonan organisa pa Brazil Taekwondo Stichting. Jewell Illidge a demonstra su flexibilidad den Taekwondo. E publico presente a presencia un combate fuerte entre Jewell Illidge di ETU Taekwondo Foundation y Jedwin Inocencia di Noord Taekwondo Center. 
Nicole Tromp di Estrella Taekwondo Center a bin bon prepara pa cualkier contrincante. Nicole Tromp a topa cu Shenille Perez di Noord Taekwondo Center y a gana su pelea. 
 
Despues cu Danon Delamore di Brazil Taekwondo Stichting mester a bay labora, niun otro hende no tabata kier a bringa contra di Alexander Pieters. A acerca Zahyon Klaber pa e reto di bringa. Zahyon Klaber a mustra e publico presente un tiki di su abilidadnan. Despues di e campeonato e refreenan a entrega nan lista di nan miho bringadonan di e evento. Jeroan Nicholson, Jewell Illidge, Nicole Tromp y Zahyon Klaber a sali Best Fighters. Clifford Rasmijn di Brazil Taekwondo Stichting a felicita tur bringado cu a participa den Cas Bon Taekwondo Cup y ta spera di wak nan tur den Aracari Taekwondo Cup.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio