Home » JOIN E “BIG LIVE NATURE QUIZ” GRATIS Y GANA UN BIAHE RIBA UN CATAMARAN 

JOIN E “BIG LIVE NATURE QUIZ” GRATIS Y GANA UN BIAHE RIBA UN CATAMARAN 

by Admin
0 comment 126 views

 

ORANJESTAD, ARUBA – Dutch Caribbean Nature Alliance (DCNA) y su miembronan ta  invita tur residente di Aruba, Boneiro, Corsou, Saba, Sint Eustatius y Sint Maarten pa participa na e Big  Live Nature Quiz diasabra dia 13 di mei, di 6 or pa 7 or di anochi. Participantenan den e quiz aki por siña  mas tocante e bunita naturalesa di Caribe Hulandes den e quiz aki cu ta gratis, online, bibo y interactivo.  E quiz ta na Ingles y e preguntanan lo tin subtitulo na Hulandes, Papiamentu y Papiamento. Na Aruba,  participantenan por participa na Battata Beach Bar of online via zoom. Tambe por join como un hende  so of den un grupo di maximo 4 persona di tur edad. E premio grandi lo ta un biahe riba un catamaran  pa snorkel. Participacion ta gratis, pero mester registra a traves di http://www.biglivenaturequiz.org/. 

Big Live Nature Quiz ta un evento anual, crea pa educa e ciudadanonan tocante conservacion di  naturalesa na un manera divertido y interactivo, pa crea orguyo pa naturalesa den Caribe Hulandes, e ta  fomenta practica ecologico, ta apoya proyecto di conservacion di naturalesa y ta conecta hopi hende  den henter Caribe Hulandes. E quiz ta un berdadero esfuerso di ekipo di varios isla: crea y respalda pa e  seis islanan di Caribe Hulandes, incluyendo e organisacionnan di maneho di area proteha (Fundacion  Parke Nacional Aruba,CARMABI Curaçao , Saba Conservation Foundation (SCF), Nature Foundation St.  Maarten, St. Eustatius National Parks (STENAPA)), e patrocinadonan (local) y Dutch Caribbean TV. 

Con pa participa 

E participantenan por hunga online a traves di Zoom desde nan cas cu amigo y famia. Na Aruba por bay  Battata Beach Bar na unda lo transmiti e quiz bibo. Pa mas informacion, mira  

http://www.biglivenaturequiz.org/ 

Reserva bo luga 

E participacion ta gratis, pero e ekiponan mester wordo registra di antemano na http://www.biglivenaturequiz.org/. E personanan cu ta desea di participa na un luga di transmision bibo tambe mester reserva un luga na Battata Beach Bar door di yama 5844242

Tema: Bestia y mata den peliger di extincion 

E quiz ta bay tin un total di 20 pregunta di escogencia multipel. E preguntanan ta bay ta tocante bestia y  mata den peliger di extinsion riba tera y den lama, manera turtuga di lama, tiburon y yuwana. E quiz lo  ta na Ingles, pero e preguntanan tambe lo tin subtitulo na Hulandes, Papiamentu y Papiamento.

No ta necesario pa prepara of studia di adelanta pa e quiz. Sinembargo, si bo ta desea di tin mas chance  di gana, por consulta e paginanan di red social di DCNA: : Facebook (Dutch Caribbean Nature Alliance) y Instagram (DCNAnature). Den e rednan social di DCNA tin pregunta di prueba cu lo bin bek den e quiz. 

Premio 

E gran premio ta un trip riba un Catamaran pa e ekipo ganado. 

E Big Live Nature Quiz ta generosamente financia pa Ministerio di Agricultura, Naturalesa y Calidad  Alimentario (LNV) y e actividadnan di DCNA ta conta cu apoyo di Nationale Postcode  Loterij.  

**************************************************** *********************

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio