L.G. Smith Boulevard /Oranjestraat:
Diahuebs algo despues di 4’or di marduga a sosoden un accidente na e crusada di L.G. Smith Boulevard cu Oranjestraat, e crusada pariba di Parlamento di Aruba.
Chauffeur di un Hyundai Accent biniendo di pabou riba L.G. Smith Boulevard no a duna preferencia na un Suzuki Swift cu tabata biniendo di pariba. E chauffeur di e Hyundai Accent a yega bira su dilanti, e impacto tabata basta fuerte. Segun un testigo e chauffeur di e Hyundai Accent tabata coriendo basta iresponsabel caba biniendo di pabou. E testigo a conta polis con e accidente a sosode.
Un dama den e Suzuki Swift tabata herida y a pidi pa ambulance pa trata e dama na e sitio. Ambos auto a haya basta daño material y mester a pidi takelwagen pa halanan for di riba caminda.
