Home » Pelea entre rumannan morocho a caba cu hincamento

Pelea entre rumannan morocho a caba cu hincamento

by Admin
0 comment 142 views

Sero Blanco:

Riba dia di Rey, den careda di 7’or y mey di mainta na un cas na Sero Blanco, dos ruman a cuminsa bringa den cas cu otro. Recientemente e tata di e morochonan aki a fayece y e mama mes su salud no ta mucho bon, tabata trata di dos ruman homber cu ta morocho. E bringamento a bay completamente for di man na momento cu un a hinca otro cu un obheto skerpi.

E mama tur desespera a bati alarma y bou grito a pidi ayudo mirando cu un yiu a hinca su pia di morocho, hopi lihe polis a yega na e cas.

Na yegada enberdad polis a bin topa cu un ruman herida, mesora a detene esun cu a hinca y a pidi ambulance pa e ruman herida.

Ambulance a presenta, a trata e victima na e sitio y despues a transporte pa hospital, e otro ruman a wordo deteni y cu transportwagen e la wordo hiba warda di polis.  Mientras cu polis tabata na e sitio atendiendo cu e rumannan, a yega un otro familiar y e situacion a bolbe escala, polisnan na e sitio mesora a pidi’e pa e bay for di e sitio te ora e situacion calma.

 

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio