Tanki Leendert: Diahuebs den careda di 3’or y 45 di marduga a sosode un accidente semi frontal riba e caminda di Shiribana pa Tanki Leendert, un poco mas pabou di Rococo Plaza. Un dama den un Nissan March a keda herida. Mesora a pidi pa presencia di polis y ambulance na e sitio.
Hopi lihe polis a yega na e sitio y a cera e caminda pa trafico, personal di ambulance a trata e dama mesora na e sitio. E chauffeur di e Nissan March no tabata tin un rijbewijs valido y riba dje e tabata bou influencia, Door cu nan tabata bou influencia a trata di burla di polis bisando cu e no lo tabat tras di stuur pero polis hopi lihe tabata tin nan door y a detene e chauffeur pa motibo di tabata core bou influencia y sin un rijbewijs valido.
E chauffeur di e Nissan Micra a conta polis cu e tabata biniendo di pabou y cu e dama tras di stuur di e Nissan March lo tabata biniendo di pariba y na su banda contrario y a dal semi frontal contra su auto, e impacto tabata hopi fuerto, pero asina mes e chauffeur di e Nissan Micra no tabata desea asistencia medico.
Ambos auto a haya hopi daño material, un riem di un di e auto nan a ranca completo takelwagen mester a presenta pa hala e autonan for di riba caminda.
