162
Pa medio di e communicado aki propietario y gerente di Aruba Handmade Souvenirs ta informa lo sigiente:
Aruba Bless You Handmade Souvenirs a keda estableci na aña 2008 pues nos tin 15 aña di exisitencia y tin 15 aña situa dilanti (banda drechi) pafor di Kapel di Alto Vista.
Desde inicio nos a pasa tur proceso di permiso pa benta di diferente articulo tanto religioso, bela, souvenirs, bebida no alcoholico y snacks di cual te cu awe nos ta cumpliendo cu tur rekesito y exigencianan cu ta ser pidi na nos.
Nos ta habri di dialuna pa diasabra di 8or di mainta te cu 2 or di merdia di cual tin biaha tin exepcion ora tin ta temporada cu tin bishita di hopi turista.
Propietario di Aruba Bless You Handmade Souvenirs ta un persona catolico, bon educa, bibando un bida cristian y te cu awe tin como mision pa biba sirbiendo otronan cu tin mester di oracion aparte di su trabou diario pa gana su pan di cada dia.
Propietario ta un persona cu ta conoci den e communidad catolico na Aruba y Internacional cu tawata lider di diferente organisacion catolico na Aruba y den Caribe pues tin un comportacion cristian bibando na agrado di Dios.
Den 15 aña di existencia di Aruba Bless You Handmade Souvenirs nos a experencia hopi testimonio bibo di Fe y di E Poder di Dios.
Hopi biaha aparte di ta cumpliendo cu nos trabou, nos ta tuma tempo pa combersa, scucha, conseha y ora cu esnan cu acerca nos cu ta sinti e necesidad di sa di Dios pasobra nos bida tambe ta un testimonio di Fe, combecion y di E Poder di Dios.
Kapel di Alto Vista ta un lugar cu ta ser bishita pa nos hendenan local y turistanan.
Na Kapel hopi ta bin pa duna Dios e honor pa haci peticion den momentonan dificil of pa gradisi pa fabornan risibi. Tambe tin persona ta bin pa busca e pas y trankilidad.
Mester corda cu transcurso di añanan Kapel di Alto Vista a bira un propaganda pa nos dushi isla di Aruba pues cu esaki a trece mas bishita di turistanan.
Cu e bishita di turistanan mester corda cu nos cu ta trahando na Kapel di Alto Vista no tin control ariba nan comportacion y hopi biaha ta trata na corigi nan pa mantene respet y trankilidad asta nos por bisa cu tawatin ocacion cu nos a haya nos mes den problema pa cu esaki.
Pa loke ta trata tur compania cu tin di haber rond di e Kapel di Alto Vista hende mester corda y compronde cu cada ken ta responsabel pa nan mes y comportacion di cada trahador tambe ta di nan mes cu nan consecuencia.
Ariba diahuebs 2 di maart 2023 tawatin un susedido entre dos persona local di cual tawata un bishitante y un tourguide.
Mirando cu esaki a bira viral, a trece cune hopi commentarionan negativo asta den nos direccion ariba medianan social cu awe asta ta riba un plataforma cu bira noticia pesey nos di Aruba Bless You Handmade Souvenirs ta distancia nos mes di e susedido.
Pa tur esnan cu a dirigi nan mes na nos di Aruba Bless You Handmade Souvenirs negativamente ariba medianan social nos ta pidi Bon Dios pa sigi bendiciona boso tur ricamente.
Y na tur persona tanto local y turista cu a manda mensahe, a duna comentario positivo den nos direccion, a yama nos of a pasa cerca nos personal dunando nos palabra di animo, palabra di Fe, palabra di sosten y apoyo pasobra na e momento aki nos pan ta den risico pa motibo di un susedido cu nos no tawata invulcra aden, nos ta bisa boso cada un di curason MASHA DANKI y cu Dios sigi bendiciona boso tambe ricamente.
Nos ta termina nos communicado bisando DANKI pa espacio duna na nos.
Y na Pueblo di Aruba nos ta desea un cuaresma cu hopi debocion y bendicion.