Caso Bermudez sigur a conmove comunidad na september 2020 y a laga un famia sin nan cabes di cas y tambe dos polis hoben cu mester bay pasa den un proceso bastante incomodo y dificil. No ta descarta cu tur cu tawata presente durante e incidente tragico aki mester bay of ya ta acudiendo na profesionalnan cu lo mester duna nan tratamento pa e trauma y dilema cu nan a experiencia. E intencion no ta pa bay den profundidad di e caso pero si e forma con e instancianan hudicial aki na Aruba a keda den duda pa loke ta nan integridad y imparcialidad. Esaki no ta algo cu nos kier conclui pero sigur ta e forma con Hof y abogado mr. De Hoogd a trece esaki pa dilanti.
Procesonan cu tin den nos leynan:
Den caso di un crimen comun Ministerio Publico, Officier van Justitie (Fiscal) ta esun cu ta tuma tur responsabilidad pa a asina persigui esnan envolvi como sospechoso y den caso cu bin saca afo cu no tin rason legal pa sigui cu e persecucion ta emiti of ta manda e sospechosonan envolvi un asina yama โSeponerings briefโ di cual e victimanan ta keda cu e derecho di apelacion na Corte di Apelacion.
Den caso di Bermudez ta trata di dos agente policial unda cu Landsrecherche y PG ta tuma over y ta aki cos a manera bay poco dwars. Por corda cu e familiarnan di e defunto tawata bin den medionan di prensa y tambe ariba medianan social sclamando pa husticia. Nan intentonan a bira envano ya cu nan no tawata haรฑa e atencionan y tampoco reacionan. E golpi dura pa e famia tawata ora cu Procureur General tawata splica cu no tin rason pa persigui e dos agentenan ya cu segun PG lo tawata trata di ehecucion di nan trabao bou di defensa propio.
Aki ta unda e decision ta bira cuestionabel pa hopi cu conoce e proceso. Nos como medio di prensa a cuminsa haรฑa varios yamada pero pa no hasi mas dolor na esnan envolvi nos a dicidi di warda riba loke ta bai sigui den e proceso cu mester wordo encamina ya cu nos a haรฑa confirmacion cu e famia di e defunto tawata den proceso cu un abogado pa por apela contra e decision di e PG. Cu otro palabra a opta pa siรฑa mas di e decision di Hof.
Duda serio den e investigacion di Landsrecherche y PG:
Landrecherche ta responde na PG y no Fiscal di Ministerio Publico segun e ordenansa ora cu a introduci Landsrecherche. Na momento cu ta trata di uso di armanan reglamentario mesora Landsrecherche ta tuma e investigacion y ta usa entre otro e departamento tecnico pa asina por haรฑa e informacionan corecto di tur locual por sirbi como evidencia sea pa persigui of aclarea locual por a sosode. Den e caso na Hof, abogado mr. De Hoogd sigur por a tuma nota di masha hopi detayesnan cu ta duna e impresion cu Landrecherche a traha di tal forma pa libra e dos agente policial nan aki di un eventual persecucion penal. Nos ta enfatisa cu esaki ta un impresion ya cu sigur nos tambe kier keda kere den e institucion Landsrecherche. Pero si esaki bin resulta ta lo contrario anto e ora si nos ta cuminsa cuestiona kico ta e pasonan cu lo bai wordo tuma pa algo similar nunca mas bolbe ripiti y tambe esnan cu a conduci e investigacion eynan.
Hof a papia idioma hopi cla. Tur esaki despues cu a dicidi di laga un Hues Comisario (di Corte di Promer Instancia) hasi un investigacion promer cu Corte di Apelacion a dicidi na fabor di e famia. Den e investigacion a bin resulta cu no tawata tin nada di defensa propio. Den e investigacion di e Rechter Commisaris y treci corectamente pa e abogado, ta seรฑala cu polisnan a tira ariba un distancia cortico (al estilo quemaropa) na multiple ocasion hasta ora cu un yiu di e fayecido a hala un di e polisnan pa e stop di tira riba e curpa ya sin bida di su tata. Asina mes agente policial ta pusha e yui un banda y ta sigi tira. Cuanto huls a wordo hanja na e sitio y na ki distancia di e defunto tambe ta algo cu ta bira curioso pa sa ya cu esaki sigur mester tawata un indicacion fuerte pa e Departamento Tecnico y pa Landsrecherce cu aki no tawata trata di defensa propio. Mas tambe Hof ta pone bon cla cu e persecucion di e dos polisnan mester tuma lugar y cu no tin espacio pa bin cu e ponencia di defensa propio ya cu esey ta mas cu duidelijk cu no ta e caso.
Aruba den shock y no por kere cu Landsrecherche y Parket di Procureur General a traha asina:
Tur cu a tuma nota di e decision di Corte di Apelacion a keda den shock ora cu nan tawata lesa e comunicado. Tawata parse un storia cu nos ta wak na tv y cu nunca lo por ta berdad di tur locual abogado mr. De Hoogd a trece padilanti pa convence e 3 Magistradonan di Hof pa persigui e dos polisnan. Esaki sigur ta pone un mancha scur ariba Landsrecherche y mas peor ainda ariba e PG cu despues ta dicidi cu no ta bai tin persecucion penal.
Ta lamenta cu awor e confiansa den Landsrecherche ta colga na un hilo, dos representante di SPA ta bai papia nonsense di cua districto tin mas caso di hendenan cu ta sufri di salud mental y cu un di nan ta haรฑa esaki โgrappigโ dus chistoso. Tur esaki pa desvia un berdad amargo di loke Hof y mr. De Hoogd a trece padilanti.
Kico ta bai pasa awor:
Corte di Apelacion a papia palabra cla: Mester persigui e dos polisnan aki. Awor ta di bay mira si e investigacion lo bay encera detencion y encarcelacion mescos cu cualkier otro cuidadano cu ta wordo acusa di kita bida di un ser humano of ta bai inventa excusanan pa asina troce e contenido di loke ta para den e Codigo di Procedimiento Penal di Pais Aruba. Ningun hende ta para ariba ley y e ordenansa aki tin su principionan cu ta valido pa un y tur sin importa e profesion.
Si Landsrecherche y PG a hasi nan trabao debidamente anto sigur e asunto aki no a rebiba e dolornan pa tur esnan envolvi. Aki no ta trata na condena ningun hende pero ta trata di pone e cosnan na ordo mescos cu ta hasi pa tur cu haรฑa nan envolvi cu husticia.