Oranjestad, Aruba: Den luna di februari SKOA ta cuminsa acepta aplicacion di mayornan cu kier inscribi nan yiunan cu ya tin un ruman cu ta bayendo un scol di SKOA.
Mayornan por aplica nan yiu(nan) completamente online via www.skoa.aw y sigui e insctruccionnan pa completa e inscripcion ariba e website. Por haci aplicacion via email door di manda SKOA un email na [email protected]. Por aplica tambe via WhatsApp door di manda un mensahe na +297 7485995 y sigui e proceso pa cumpleta e aplicacion. Pa tur aplicacion mayornan mester tene na cuenta pa tini tur e documentonan necesario na ordo y tambe mester cumpli cu e rekesitonan di SKOA pa por (re) inscribi exitosamente. E rekisito pa por haci (re) inscripcion pa aña escolar 2023-2024 na SKOA ta cu mester tin e contribucion di “schoolgeld y airco geld” completamente paga di aña escolar 2022-2023.
SKOA ta informa cu pa e aña escolar nobo di 2023-2024 tin un cambio den e suma di contribucion di e “schoolgeld y airco geld” pa su scolnan:
Pa kleuterschool ta Awg. 400,-
Pa basischool Awg. 424,-
Pa mavoschool Awg. 500,-
Mayornan cu ta desea pa haci peticion pa un areglo di pago por haci esaki entrante 1 di april 2023.
Pa mayornan cu no (re) inscribi nan yiunan na tempo of cu no ta cumpli cu e rekisitonan di SKOA por tin consecuencia, caminda e aplicacion por wordo cancela. Esaki por resulta cu e mucha no ta bay tin su luga sigura pa e proximo aña escolar. Pa preveni esaki SKOA ta conseha pa mayornan haci aplicacion na tempo pa asina (re) inscribi nan yiunan debidamente, pa asina sigura nan luga na un scol y cumpli cu su derecho na eseñansa.
Pa mas informacion tocante aplicacion y contribucion di mayor na SKOA por bishita nos website www.skoa.aw of por yama na liña directo 5231800.
06/02/2023