96
Papilon:
Diasabra den careda di 6’or y mey di atardi presencia di polis y ambulance a wordo pidi pa un accidente cu un persona herida y hopi daño material. E accidente a sosode na Papilon na e T kruising banda di Cede di MEP.
Un Pickup Chevrolet S10 biniendo di pabou a subi caminda sin duna preferencia na un Honda Civic cu tabata biniendo di panort riba e caminda di preferencia.
Den e impacto fuerte ambos auto a haya hopi daño material y e chauffeur di e Honda Civic a keda herida, e tabata keha di dolor den pecho. Ambulance a yega na e sitio pa trata e chauffeur di e Honda na e sitio.
Na yegada, polis a bin ripara cu e chauffeur di e pickup ta bou influencia, mesora e la wordo deteni y transporta pa warda di polis.
