Home » Aruba a gana dos oro, dos plata y 2 brons den Taekwondo na Fort Meyers.

Aruba a gana dos oro, dos plata y 2 brons den Taekwondo na Fort Meyers.

by Admin
0 comment 103 views
 
Diasabra a tuma luga e Southwest Florida Taekwondo Championships na Fort Meyers. Un campeonato hopi spera pa e team di Aruba bou encargo di Monica Pimentel di Impact Taekwondo. 
 
Monica Pimentel a biaha cu 5 atleta pa nan por a cera e buki di competencia di 2022. Xavion Farro a bringa den infantil 8 pa 9 aña den e categoria youth light. Xavion Farro a gana su prome pelea contra di Cameron Pronesti y a perde contra di Jorge Respeto. Xavion Farro a logra su prome medaya International. 
 
Joshua Klaber a bringa contra di Taylor Dulin y a gana 2-0. Den final Joshua Klaber a topa cu David Hernandez y Joshua Klaber a gana e pelea 2-0. Joshua Klaber a gana Oro den e categoria di adulto bou 58 kilo.
 
Jourde Klaber a bringa den e categoria olimpico feather y a topa cu Wilmer Bernardes. Jourde Klaber a gana 2-0. Den final Jourde Klaber a topa cu Seydou Niang y a perde 2-0 y a logra medaya di plata.
 
Isabella Bogevad a bringa den e categoria Junior Olympic Fly. Isabella Bogevad a topa cu Elianna Lugo. Isabella Bogevad a bringa cu tur cu e tabata tin, pero Elianna Lugo tabata mas fuerte y a gana for di Isabella Bogevad. Isabella Bogevad a logra medaya di brons.
 
Kianna Krosendijk a bringa den cadet den e categoria Olympic Middle. Kianna Krosendijk a topa cu su rival Victoria Petitone. Kianna Krosendijk a perde 2-1 y a logra medaya di plata.
 
Kianna Krosendijk a bringa den Junior den e categoria Olympic Welter contra di Caterina Fulton. Kianna Krosendijk a gana 2-0 y a logra medaya di oro.
 
Monica Pimentel ta hopi satisfecho cu e team di Aruba cu a logra pa cera e aña 2022 cu bon resultado. Monica Pimentel ta bay tuma dos siman di descanso y lo cuminsa bek dia 2 di Januari 2023. Aña 2023 ta e aña cu ta bay spera hopi mas di e team di Aruba. Den aña 2023 tin varios trainings kamp unda cu e team di Aruba ta bayendo.
 
Monica Pimentel ta gradici tur hende cu a contribui pa e biahe exitoso aki y ta spera hopi mas den aña 2023. Bon Pasco y Prospero Aña Nobo 2023 pa nos tur.  

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio