Home Corte Parlamentario Benny Sevinger hopi emocional y cu awa na wowo dilanti hues...

Parlamentario Benny Sevinger hopi emocional y cu awa na wowo dilanti hues diaranson mainta

SHARE

Oranjestad, Aruba

Diaranson mainta e caso den corte a continua, unda pa prome biaha Benny a yora den corte. E la haci esaki ora cu e mester a splica hues di su circumstancianan personal, di su famia y mas.

Benny a sigui conta hues cu actualmente e ta sinti’e hopi tristo y alabes perhudica, pasobra mayoria den Parlamento cu ta sostene gobierno, a bise cu e no mag representa Aruba den exterior.

Esey a haci cu e ta bira un parlamentario masha limita y esey tine tristo.
Realidad ta cu ultimamente bo no ta mirando Sevinger den Parlamento mes, pues su ponencia cu e ta tristo paso e no mag representa Aruba den exterior ta un poco raro.Ni ora cu tin reunion den parlamento na Aruba e no ta acudi.

E la bisa cu desde 2001 e ta parlamentario. E tin dos yui y un di nan no por haya trabou, y aki ta caminda cu e la kibra mas y bira emocional.

Tambe e la trece dilanti e 73 dianan cu e tabata deteni. Eynan un biaha mas e la kibra atrobe y bira emocional.

E kiermen cu tin un ex minister (Marisol) a hasi mesun cos y gana 17 miyon pero nada ta pasa cune.

Manera ARUBA NATIVE a bisa caba, tawata mustra cu na cuminsamento e ex minister Benny Sevinger no tawata arepentimiento y awor ta parse cu su abogado lo por a papia cu ne cu ta mihor e laga los un tiki di e orguyo y cuminza mustra mas humilde.

Esaki ta un strategia pa trata na yuda baha castigo di prison, pero huesnan ta cientos di personan manera Sevinger nan a mira y scucha y sentencia.

Aruba completo ta siguiendo e caso di corupcion aki cu ta esun mas grandi den historia cu nos a yega di conoce.