Supuesto pelea a pone varios unidad policial bay un biaha mas Lekker

Noord – Diadomingo den careda di 3’or y mey di marduga presencia di polis a wordo pidi na Lekker Bar & Restaurant pa un pelea.
Mesora a manda varios unidad di polis na e sitio.

Na yegada no a bin topa cu niun pelea, aparentemente esnan cu a bringa lo a bay caba for di e sitio. E lugar tabata yen yen di hende pafo y paden.

Varios unidad di polis a dicidi di keda staciona pa basta rato dilanti Lekker Bar & Restaurant, mirando cu nan a nota presencia di varios gang dilanti e sitio nocturno aki.

Lekker Bar & Restaurant ta un sitio nocturno conoci cu casi tur weekend tin problema eydilanti.
Polis na e sitio a warda e orario di cierre yega, pa percura cu e luga cera mesora.