Candela di cas a resulta cu ta problema di coriente

Hooibergkavel: Diaranson algo prome cu 5 or y mey di atardi. Presencia di brandweer a wordo pidi na un cas na Hooibergkavel cu lo tabata na candela.

Aparentemente durante dia nan tawata tin problema cu coriente.

Mesora brandweer a bay direcion di e cas y na yegada nan a bin compronde cu no ta e cas tabata na candela pero un stopcontact den un camber a coy candela y esaki a pone cu e breaker bula.

Brandweer no a mira candela, pero pa tur seguridad a keda un rato mas pa tira bista y pa ta sigur cu no tin niun peliger mas di candela.