Home Dutch Kingdom Delegashon lidera pa James Finies a jega Sint Vincent I Grenadines siman...

Delegashon lidera pa James Finies a jega Sint Vincent I Grenadines siman pasa

SHARE

Kingstown

 

E delegashon lidera pa James Finies a jega Sint Vincent I Grenadines siman pasa, komo parti di gira di sensibilashon pa laga mundo konose nos lucha pa emansipashon I igualadat na Boneiru. Akinan nos tabatin diskushonan importante I fruktifero ku e Prome Minister Honorable Dr Ralph Gonsalves I ku e Gabinete di Ministernan kaminda nos a duna  splikashon mas profundo di e trajektorio i lucha pa wordu  rekonose i pone bek riba e lista di Teritorio Sin Propio Gobernashon di Nashonan Uni. Nos tabatin tambe varios entrevistanan  ku e medionan di komunikashon, na radio I televishon, kaminda nos a dirigi nos mes direktamente na e publiko general I tabata involvi den programanan interaktivo ku yamadanan. E gobierno I e pueblo di Sint Vincent I Grenadines a duna nos un kaloroso bon bini I ta sostene nos kompletamente den nos lucha  kontra di e forma aki di neo-kolonialsimo I ta apoya nos pa ku nos derecho di outodeterminashon. Nos ta kontinua gira I nos lucha pa libertad I igualdat I ta gradisi e pueblo Boneriano pa su kompromiso na e lucha.  

James Finies, presidente Nos Kier Boneiru Bek