86
Pos Abou: Diadomingo algo prome cu 6’or y mey a sosode un accident cu basta daño material riba e caminda di Pos Abou, na T-Kruising.
Un Volkswagen blauw a subi caminda di principal di Pos Abou sin duna un Hyundai Tucson preferencia cu tabata bayendo direccion pariba. E impacto tabata hopi fuerte cu e Volkswagen a bay cay den e greppel banda di panort di caminda.
Mesora a pidi pa presencia di polis y ambulance na e sitio. Na yegada polis a bay atende cu e accidente mientras cu paramediconan di ambulance tabata trata un persona cu a keda herida den e impacto fuerte.
Ambos auto a haya basta daño material.