Home » Caso lamentabel: Padrastro a saca tur pertencia di menor di edad benta banda di caminda

Caso lamentabel: Padrastro a saca tur pertencia di menor di edad benta banda di caminda

by Admin
0 comment 108 views
Sero Biento – Recientemente polis tawata tin atencion di un fastioso na un adres na Sero Biento. Eynan segun informacion un mama y su yiu lo no tawata mag di keda den un cas mas.

Tawata diasabra merdia patruya a bay poco pura un adres na Sero Biento unda tur pertenencia di un menor di edad a wordo letterlijk poni cerca di caminda.

Polis a yega basta lihe na dicho adres pa asina tuma e menor over y hibe warda di Playa, unda cu slachtofferhulp tambe lo mester a yega.

Parse cu padrastro di e mucha lo no kier e mas den cas y su mama tampoco aparentemente lo tawata bon bini mas den e cas. Kiko lo a conduci na un extremo asina no ta duidelijk, locual nos sa cu e problema lo tawata tin algun dia andando y diasabra esaki a culmina na dicho extremo di saca tur pertencia benta banda di caminda.

Ariba imagen por mira locual ta parse e pertenencianan di e menor y posiblemente di su mama tambe, cu a keda benta banda di caminda.

Nos ta spera cu autoridad hunto cu slachtofferhulp por yega na un solucion pa e mucha y su mama por haya un luga safe pa biba trankil.

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio