Navigator Insurance Consultants ta un agencia di seguro caribense specialisa den solucionnan compleho mediante seguro y desaroyo di liñanan priva pa facilidadnan di seguro. Cu mas cu 25 aña di experencia den Caribe, NIC a traha un red Caribense solido i extenso, banda di un red internacional cu su agencianan socio internacional principal di seguro: AON, Howden y Meijers. NIC ta sirbi su clientenan pa medio di oficinanan na Aruba, Boneiro, Corsou y Sint. Maarten.
Aña pasa, NIC a adkiri e accionnan di AON Holdings Antillen N.V.. Cu e adkisicion aki, NIC a bira un agencia di seguro completo sirbiendo clientenan tanto comercial como personal cu ta biba riba e islanan Hulandes den Caribe, como socio den AON su red global.
Pa NIC realisa e crecemento desea y sigui expande su servicionan den Caribe y alabes mantene su mes como agencia di seguro 100% independiente, Curacao Growth Fund (CGF) cu Algemeen Pensioenfonds van Curaçao (APC) como su accionista mayoritario ta e socio ideal.
Scohiendo CGF como accionista mayoritario, NIC a haya e stabilidad y continuidad cu e tabata busca pa su personal y clientela pa e proximo añanan. E fundadornan di NIC, Bram Boeren y Jan-Hein Braam lo keda den como director y accionistanan cu compromiso pa sigui guia e compania pa e añanan benidero ku pasion.
Prome e adkisicion lo keda someti na reguladornan concerni pa evaluacion. Solamente ora ricibi aprobacion di e autoridadnan aki, por finalisa e adkisicion.
“Partisipacion di CGF ta cuadra completamente cu nos ambicionnan pa sigui crece den Caribe, ya ku nos tabata busca un socio solido pero cu toch ta laga nos keda 100% independiente pa por sirbi y conseha nos clientenan miho posibel sin tene cuenta cu interes di companianan di seguro”, segun directornan Jan Hein Braam y Bram Boeren.
Pa e fondo di invercion Curasoleño CGF bou di maneho di Erik Baas y Justus Martens, esaki ta e di 8 invercion grandi den sector financiero y nan ta “hopi entusiasma pa bira activo cu esaki den e sector conoci pa potencial crecemento grandi. Nos ta kere cu un colaboracion entre specialista di seguro cu hopi experencia y un socio financieramente fuerte lo pone NIC den un posicion aun mas fuerte.”