Mi nomber ta Emely Rasmijn diabierna 24 july 2022 mi a termina mi stage trajecto na Stichting Volks Hygiene Wit Gele Kruis Tienermoeder Afdeling.
Mi stage periodo tabata di 12 januari te cu 24 july, e 6 luna nan aki mi por a siña y haya conosimento den e werk veld social di Aruba. Actualmente mita un studiante di Rijnijssel College situa na Hulanda Arnhem caminda cu mita studiando Social werk.
December mi a tuma e decision di hasi mi stage na Aruba pa asina haya un tiki conosimento di e trabouw social na Aruba y asina mi a haya e oportunidad di traha hunto cu Monique Giel Labad na Tienermoeder afdeling y Isabella Eman enferma di WGK unda mi a siña masha hoppi di nan.
Durante e 6 luna nan aki na WGK tienermoeder afdeling mi tabata tin e oportudindad di crea conosimento di e werk veld aki cu ta asina amplio y cu su challenges nan, tambe e oportunidad di hasi actividad nan cu e mama hoben nan di nos afdeling unda mi a sinja crese no solamente como persona pero tambe como un profesional.
Tambe unda mi por a observa nan necesidad y kiko ami como un social worker por significa pa e mama hoben nan sin laga afo unda mi por a enherce locual mi a studia na Hulanda.
Mi por a implementa esaki den e practica aki na Aruba. Mi tabata tin oportudindad di traha cu otro instancia nan y profesionalnan unda mi por a haya un bista di e situation social cu tin na Aruba y unda cu mi por hiba esaki bek cumi pa finalisa mi studio na tera frieu.
Pa clausura mi stage periodo diahuebs 23 juni 2022 cual tabata e ultimo actividad nos a s
cera cu un rond leiding na Parke National Arikok, unda nos por a mira nos bunita naturalesa y siña un tiki mas di Aruba. Nos tabata tin e placer di a haya un ranger cu a splica nos di nos mata nan, e cas di torta enz.
Pa finaliza mi kier a gradici nos mama hobennan cu a participa na cada un di mi actividadnan sin falta un.
Tur a haya nan certificado y un regalo (voedsel en beauty pakket). Tur esaki a wordo logra den colaboracion cu Marisha Ormel cual ta otro stagiare di WGK Tienermoeder afdeling cual a haya donatie via doneeractie.nl cu ta un instancia Hulandes.
Mi kier a agradeci WGK, specialmente Monique cu a habri porta pami y sin duda a duna un man cu apoyo y guia ora mi tabata tin mester. Monque su guia y apoyo a yudami inmensamente crese como un profesional y sin duda mi lo hiba tur loke mi a sinja den e 6 luna nan aki di stage bek Hulanda unda cu mi por caba mi studio y sigui crese como profesional.
Danki tambe na Isabella cu tabata eynan semper pa guia mi y yudami durante e trajectoraria aki. Mita aprecia e oportunidad aki masha hopi mes y e lo keda cumi pa resto di mi carerra profesional. Un danki tambe na tur e sponsernan a mustra un of otro sosten durante e trajectoria aki.
Masha danki.