75
Noord – Diadomingo anochi rond di 9:30 polis a bay panort di Misa di Noord, unda cu tawata tin un accidente di trafico.
Brommer y auto
Na yegada di polis a topa cu un brommer y auto. E motociclista tawata levemente herida.
E auto un Toyota IQ color blauw a dal patras di e brommer momento cu esaki a bira na su man robes pa drenta su cura di cas.
Posiblemente e auto no a mantene distancia.
Polis a pidi presencia di ambulance y na yegada Paramediconan a opta pa hiba e motociclista Hospitaal pa un control medico mas avansa.