Home Police Durante control den barnan na San Nicolas, hendenan a lanta cu polis,...

Durante control den barnan na San Nicolas, hendenan a lanta cu polis, un agente a wordo gedal y un persona deteni

SHARE

B.van de Veen Zeppenveldtstraat, San Nicolas:

Diasabra den careda di 1 or y 15 di marduga. Durante control di polis den e caya principal di San Nicolas, a bin topa den un bar un striptease show cu lo a bay completamente for di man.

Ora polis a drenta pa hala nan atencion, aparentemente esnan na e bar a lanta cu polis y un persona lo a dal un agente policial den su cara.

Mesora e polisnan a pidi pa refuerso. Varios patruya di Santa Cruz y Oranjestad a bay asisti nan colega di San Nicolas. E dos jeepnan di kustsurveillance di polis tambe a bay den caya principal di San Nicolas pa yuda nan coleganan.

Un persona a wordo aresta y transporta pa warda di polis na San Nicolaas.

Despues cu e situacion a calma e patruya di San Nicolas a sigui cu su control y e otro patruyanan a bay bek nan districto.

E agentenan policial cu tabata den e Jeep di Kustsurveillance a baha den Caya Captain Robert Rodgers y canando a tene un control den e area di e barnan.