Home Police Intento di asesinato: Sobrino cu problema mental serio a kap omo...

Intento di asesinato: Sobrino cu problema mental serio a kap omo na su man

SHARE
Caya Frere Johannes – Diasabra den oranan di mainta polisnan di Playa a bay pura unda lo tin problema serio di famia y tin machete envolvi, tambe un storia unda e persona problematico lo a “bolter” un auto.

Na yegada di polis a topa cu un cabayero, cu un kap na su man. Esaki a ser ocasiona door di un sobrino cu segun nos a compronde lo tin un of otro problema mental serio.

Na e sitio por a scucha cu e sobrino aki no ta di awor tin problema cu ne y cada biaha e situacion ta keda bira pio y mas peligroso manera locual a pasa diasabra mainta.

Segun e omo, e sobrino lo a bin te unda e ta biba arma cu machete, y tawata zwaai cu esaki unda e la herida su omo na su man y herid’e na su pecho cu lo por a bira un corta peligroso.

Sobrino bisti na full na preto

Na yegada di polisnan a bay over mesora na detene e sobrino, cu tawata keda hari cu un smile ariba su cara.

Tambe e lo a causa daño na un UTV di e omo y aparentemente lo a usa esaki tambe pa mata su omo.

Polisnan a tuma e momento eynan, varios denuncia haci contra e sobrino cu ta entre otro intento di asesinato, maltrato serio cu arma y mas cos.

Den pasado ya polis a yega di bin den e caya aki y lo no ta desconoci pa nan.

Esunnan concerni mester wak bon kiko nan ta bay haci cu e homber aki, cu ta un peligro serio pa comunidad.