Home Dutch Kingdom Kuerpo Polisial di Korsou ta informa: Kaso di tiramentu ku morto.

Kuerpo Polisial di Korsou ta informa: Kaso di tiramentu ku morto.

SHARE

Willemstad, Korsou:
Djamars 31 di mei 2022 alrededor di 22.16’or, Sentral di Polis a risibí informashon ku patras di un snèk situá riba kaminda Venancio F. Isenia, lo mester tin un dama drumí abou den plas di sanger.

Na yegada di e promé unidat, el a bin topa en berdat ku un dama drumí riba su lomba den un plas di sanger ku herida na kabes. E dama aki no tabata duna señal di bida.

Investigashon preliminar ku polis a realisá na e sitio a sali na kla ku e víktima lo tabata tin un diskushon fuerte un ratu promé ku su partner.
Durante di e diskushon, testigunan a tende tiru prosedente for di arma di kandela. Probablemente e hòmber aki a lòs algun tiru riba e dama ku a alkansé na su kabes.
E dama a fayesé na e sítio a konsekuensia di e herídanan ku el a sufri.

Dòkter di polis ku tambe tabata presente, a konstatá morto di e dama Niurka R. PADILLA FERNANDEZ MARTINA nase na Repúblika Dominicana na aña 1972. Investigashon den e kaso aki ta kontinuá.