Watty Vos Boulevard/pazuid di
Paperclip rotonde
Diaranson den careda di 1:33 a.m a sosode un accidente fatal poco pazuid di Paperclip rotonde, unda un pick up Toyota Hilux color cora cu un pareha aden a bay cay den un rooi.
TOYOTA VITZ SHINISHI
Na yegada di polisnan ta topa cu un Toyota Vitz cu lo a lastra un brake basta largo, unda cu e a dal e pick up mandando e den rooi banda pariba di caminda cu ta algun meter abou di caminda.
Mesora despues di e accidente e chauffeur di e Toyota Vitz a core bandona e sitio.
Varios unidad di polis a yega na e sitio y cera e caminda pa trafico. Mientras nan tabata buscando e chauffeur. Polis a bay na e cas caminda e auto tabata registra pero no a topa cu e chauffeur.
Bomberonan y Paramediconan
E prome victima cu a wordo saca tawata e señora cu a wordo transporta mesora cu urgencia pa Hospitaal cu golpinan serio na cabes.
Despues nan a logra saca e casa cu no a sobrevivi e accidente fuerte. E la wordo hinca den e ambulance, unda a warda ariba dokter.
Na yegada dokter Texier a bay na e ambulance unda e curpa tawata y pa 2:20a.m ta constata morto di Robert A. Calmes naci 16 -9 – 1964 di 57 aña.
Tur e instancianan concerni a presenta na e sitio pa asina un investigacion profundo tuma luga di e accidente aki.
