Oranjestad – Dialuna anochi un empleado laborando na un gas station por poco a wordo mordi den su cara, door di un cacho hopi brabo.
E incidente aki a sosode momento cu e cabayero cu tawata bezig yenando gasoline a hay’e sorprendi cu un cacho sinta patras den un Kia Sportage glas habri. Na stuur tawata un dama.
E yenado di gasolin a scapa pa algun centimeter debi cu e la reacciona mesora.
Despues cu homber a reclama e doño di e cacho e dama paga y a bay parkeer pa bay cumpra algo paden di e gasoline station, pero un biaha no ta cera bentananan di su vehiculo y specialmente unda e cacho ta.
Otro ciudadano inocente
Un cabayero cu tawata stationa prome cu e Sportage a yega a bay pa subi su auto bek inocentemente, e cacho a saca su cabes y tambe por poco ta morde e cabayero den su cara, ta parse cu e cacho tin algo cu cara di hende.
Awa a pasa hariña
E trahado mirando kiko a sosode mesora a cana bay na un patruya cu net a caba di tank diesel. Polis tambe a tende e blafnan feroz di e cacho, pero no tawata sa kiko ta pasando, e trahado a splica polis locual a caba di sosode y indicanan e vehiculo cu tawata bayendo.
Patruya mesora a sali tras di e Kia Sportage
Den Oosstraat e patruya a cende su zwaailicht dunando e auto ordo pa para un banda locual e dama a haci tambe.
Durante cu e agentenan tawata splicando e dama ariba actuacion di e cacho esaki a saca su cabes via e otro bentana cu gana di morde of ataca e agentenan cu tawata den auto sinta, pues tur cos cu a wordo bisa un rato prome a cuadra cu e berdad.
Despues di a papia algun rato cu e dama y splike ariba e concecuencia cu esaki por tawata tin cu ne e dama a continua su caminda, bisando aparentemente sorry di locual a sosode.