Dutch Caribbean Nature Alliance (DCNA) ta invita tur residente di Aruba, Boneire, Corsou, Saba, Sint Maarten y Sint Eustatius pa participa na e Big Live Nature Quiz diahuebs dia 21 di april, di 6 or pa 7 or di anochi. E ta gratis, online, bibo, interactivo y ta contene pregunta tocante bestia y mata den peliger di extincion. E quiz divertido aki ta na Ingles, pero tambe e preguntanan lo tin subtitulo na Hulandes, Papiamentu y Papiamento. Bo por participa online desde bo cas of bo por bay na un un di e luganan di transmision na bo isla. Bo por join bo so of forma un ekipo cu un maximo di 4 amigo/famia/colega. E ekipo ganado lo gana un biahe riba un barco di bela/snorkel rond di su isla. Percura pa registra na biglivenaturequiz.org.
Fecha y ora
Ciudadano di e seis islanan di Caribe Hulandes cu tin mas di 18 aña ta keda invita pa participa na e concurso anual di Big Live Nature Quiz pa adulto. E concurso ta tuma luga diahuebs dia 21 di april 2022, di 6 or pa 7 or di anochi. Ta bay tin un pausa chikito memey di e programacion pa socialisa y tuma algo di come y bebe pa prepara pa e di dos rond.
Ekipo
Bo por join bo so of bo por forma un ekipo cu un maximo di 4 amigo/famia/colega.
Ubicacion
Bo por participa di dos forma. E participantenan por hunga online desde trabou of cas cu amigo y famia of nan por bay na un bar of restaurant designa (Boneiro: Hillside, Saba: Long Haul, Statia: Ocean View Terrace,), St. Maarten: Dinghy Dock Sailors Bar) na unda lo transmiti e quiz den vivo.
Reserva bo luga
Grupo cu ta consisti di un pa cuater miembro mester registra adelanta na biglivenaturequiz.org pa por participa. E personanan cu ta desea di participa na un luga di transmision bibo tambe mester reserva un mesa na e bar (Boneiro: Hillside, Saba: Long Haul, Statia: Ocean View Terrace,), St. Maarten: Dinghy Dock Sailors Bar).
Rekisito
No ta necesario pa prepara of studia pa e quiz di adelanta. Si bo ta participando desde bo cas, tur loke bo mester ta un registro online (biglivenaturequiz.org), un conexion di Internet, un computer, un telefon pa contesta pregunta y bon actitud. Bo ta haya tur instruccion den: biglivenaturequiz.org
Si bo ta join desde un di e barnan designa, solamente bo mester registra online (biglivenaturequiz.org) y reserva un mesa na (Boneiro: Hillside, Saba: Long Haul, Statia: Ocean View Terrace,), St. Maarten: Dinghy Dock Sailors Bar) y bin cu un telefon celular.
Tema: Bestia y mata den peliger di extincion
E quiz ta bay tin un total di 20 pregunta di escogencia multipel. E quiz lo ta na Ingles, pero e preguntanan tambe lo tin subtitulo na Hulandes, Papiamentu y Papiamento. E preguntanan ta inclui especienan manera turtuga di lama, tiburon y yuwana./
Premio
E ekipo ganado lo gana un biahe riba un barco di bela/snorkel rond di su isla. E ekiponan ganado di e di dos of e di tres luga ta ricibi t-shirt y pechi.
Quiz anual pa adulto y mucha
DCNA ta apoya STINAPA Bonaire, CARMABI na Corsou, Aruba National Park Foundation, Saba Conservation Foundation, STENAPA na St Eustatius y Nature Foundation Sint Maarten, entre otro, cu nan programanan di educacion tocante naturalesa. E Gran Quiz online Bibo di Naturalesa a wordo crea pa educa e ciudadanonan tocante conservacion di naturalesa di un manera divertido y interactivo, pa inspira orguyo pa naturalesa di e islanan, fomenta practica ecologico, apoya proyecto di conservacion di parke y conecta e personanan den henter Caribe Hulandes. Esaki ta un evento anual pa adulto y mucha. E edicion pa mucha ta plania pa cuminsamento di oktober.
Big Live Nature Quiz ta generosamente financia pa Ministerio di Agricultura, Naturalesa y Calidad Alimentaria (LNV) y e actividadnan di DCNA ta conta cu Postcode Lotterij.
Sigui e Gran Quiz di naturalesa bibo
Bishita Facebook di DCNA (Dutch Caribbean Nature Alliance), Instagram (DCNAnature) of biglivenaturequiz.org. Si bo tin cualke pregunta, manda un e-mail na [email protected] of yama nos na +599-717-5010.
