Roden, Drente: Corte a sentencia un homber na un aña y mey di castigo di prison, pa abusa sexualmente di un mucha muhe di 4 aña, den un hanchi den Geluklaan na Roden.
Riba 15 di juni na 2020, den careda di 4’or y mey di atardi, e mucha muher di 4 aña tabata canando for di un speeltuin pa bay su cas, e mucha muhe tabata hunto cu un amiga di e mesun edad. Den e hanchi e homber Peter O. di 53 aña kende tabata riba un bais a topa e dos mucha muhenan aki y a cuminsa papia cu nan, Peter O. tabata tin su parti intimo pafo di su carson. Di golpi e la gara un di e muchanan, e la drenta den un mondi y a viola e criatura.
E dos muchanan a yega cas hopi spanta y a conta nan mayornan kiko Peter O. a haci. Mesora e mayornan a yama polis, polis a cuminsa cu un buskeda pa e violador pero nan no a topa cu ne. Polis a cuminsa cu un investigacion profundo y e caso aki a haya hopi atencion den media.
Na cuminsamento di 2021 un persona a mira Peter O. den e hanchi y a reconoce. E dia aki e la comport’e basta sospechoso, na momento cu e la acerca un mucha homber chikito. Un persona a reconoce Peter O. mesora a saca un potret di dje y a avisa polis, a base di esaki polis a logra detene Peter O.