E HUMA TA ESUN CU ESUN MAS VENENOSO, PISA Y CU TA KEDA MAS LARGO DEN MEDIO AMBIENTE.
Oranjestad, 7 di April 2022, Atrobe nos por a mira diahuebs merdia cu Dump di Parkietenbos ta for di control. Algun luna pasa ya un cantidad di taira a kima y awor atrobe. No por ta asina cu ken cu ta por subi riba tereno di Dump y sende candela y despues e habitantenan di bario, turismo y economia di Aruba ta wordo perhudica. Gobierno di Aruba mester tuma un decision pa cuida salud di comunidad y no sigi permiti un situacion peligroso cu ta menasa salud publico sigi tuma lugar. Huma di taira kima ta esun mas venenoso, cu ta mas pisa y ta keda mas largo medio ambiente, dicon e ora ta laga sigi acomula taira ey riba. Gobierno mester bin cu un solucion a corto plazo pa organisa tur e importadornan di taira y hunto cu nan pa bin cu un proceso unda e taira uza ta wordo ser coleciona y warda, si por den container, manera cu nan ta drenta Aruba. Cada un of dos luna un enorme cantidad di taira segunda mano y nobo ta drenta Aruba y despues e barionan y pueblo di Aruba tin cu soporta huma venenoso, canceroso di taira kima, no por, ta basta!